30142

आंतरजिल्हा फुटबॉल स्पर्धेसाठी
केएसए मुलींचा संघ जळगावला

सकाळ वृत्तसेवा

कोल्हापूर, ता. ७ ः जळगाव येथे ८ ते १२ डिसेंबरदरम्यान ‘विफा’तर्फे आंतर जिल्हा कनिष्ठ गट मुलींच्या फुटबॉल स्पर्धा आयोजित करण्यात आली आहे. या स्पर्धेसाठी कोल्हापूर स्पोर्टस् असोसिएशनचा मुलींचा संघ आज रवाना झाला.
तत्पूर्वी निवड झालेल्या संघाचे प्रशिक्षक प्रदीप साळोखे, अमित शिंत्रे, रघू पाटील, सोनाली सुतार यांनी तंत्रशुद्ध प्रशिक्षण व सराव करून घेतला. निवड झालेल्या संघात आसावरी पाटील (गोलरक्षक), युगंधरा चौगले, निकीता साळोखे, जान्हवी ढेरे, सिद्धी सूर्यवंशी, प्रांजली कांबळे, समृद्धी ढेरे, संयोगिता शिंदे, वैभवी कानडे, यशस्वी बेनाडी, केतकी कोंडस्कर, संस्कृती तुरुके, सायली देवणे, संध्याराणी जानवेकर, लक्ष्मी मेंगाणे, अनुष्का लोखंडे, श्रावणी साळे, स्वरुपा पाटील यांचा समावेश आहे. मुख्य प्रशिक्षक अमित शिंत्रे, सहप्रशिक्षक सोनाली सुतार काम पाहणार आहेत. संघाला केएसए पेट्रन इन चिफ श्रीमंत शाहू छत्रपती महाराज, अध्यक्ष मालोजीराजे छत्रपती, माजी खासदार संभाजीराजे छत्रपती, पेट्रन मधुरिमाराजे छत्रपती, मानद सरचिटणीस माणिक मंडलिक यांचे प्रोत्साहन लाभले.