फोटो क्रमांक : gad134.jpg

31354
परभणीप्रकरणी राष्ट्रद्रोहाचा
गुन्हा दाखल करण्याची मागणी

गडहिंग्लज, ता. १३ : परभणी येथे संविधान शिल्पाची नासधूस करून तमाम भारतीय जनतेच्या भावना दुखावल्या गेल्या आहेत. या प्रकरणातील आरोपींवर राष्ट्रद्रोहाचा गुन्हा दाखल करण्याची मागणी विविध आंबेडकरी संघटनांनी केली आहे. प्रांताधिकाऱ्यांना याबाबतचे निवेदन देण्यात आले.
परभणीला संविधान शिल्पाची नासधूस केल्याच्या घटनेचे पडसाद उमटत आहेत. संबंधितांवर राष्ट्रद्रोहाचा गुन्हा दाखल करून घटनेमागील सूत्रधाराचा शोध घेऊन कठोर शिक्षा करावी, अशी मागणी निवेदनातून केली. वंचित बहुजन आघाडी, रिपब्लिकन पार्टी ऑफ इंडिया (आठवले) दलित महासंघ, मुक्ती संघर्ष समिती, भीमशक्ती सामाजिक संघटना, भारतीय बौद्ध महासभा, शिवसेना आदी संघटनांतर्फे निवेदन दिले. प्रांताधिकारी एकनाथ काळबांडे यांनी निवेदन स्वीकारले. यावेळी ‌अर्जुन दुंडगेकर, संतोष सुळकुडे, परशुराम कांबळे, दिलीप कांबळे, प्रकाश कांबळे, प्रीती कांबळे, रमेश शिंगे, दिगंबर विटेवरी, संतोष कांबळे, एस. के. कांबळे, विजय शिरगावकर, वसंत शेटके उपस्थित होते.