सीसीटीव्हीऐवजी बोर्डाने
यंत्रणा सक्षम करावी

‘विद्यार्थी-पालक प्रवेश हक्क’ची मागणी

सकाळ वृत्तसेवा
कोल्हापूर, ता. ७ : दहावी, बारावी परीक्षेतील कॉपीचे प्रकार थांबविण्यासाठी बोर्डाने शाळांना सीसीटीव्ही लावण्याची सूचना करण्याऐवजी स्वतःची यंत्रणा सक्षम करावी, अशी मागणी युवक विद्यार्थी-पालक प्रवेश हक्क व संरक्षण संघटनेने केले. त्याबाबतचे निवेदन बोर्डाचे कोल्हापूर विभागीय सचिव सुभाष चौगुले यांना दिले.
बोर्डाच्या विभागीय अध्यक्षांनी केलेली सूचना ही योग्य आणि चांगली आहे; परंतु या सीसीटीव्ही बसविण्याचा खर्च कोणी करावयाचा, हा मोठा प्रश्न आहे. संस्थाचालकांची परिस्थिती चांगली नाही. कारण शिक्षकेतर अनुदान सध्या बंद आहे. त्यामुळे सीसीटीव्ही लावण्याबाबत शाळांना सूचना करण्याऐवजी कॉपीसारखे प्रकार रोखण्यासाठी बोर्डाने स्वतःची यंत्रणा सक्षम करावी. ज्या शाळेत कॉपीसारखे प्रकार सापडतील त्यांचे परवाने रद्द करावेत, अशी मागणी या निवेदनाद्वारे केली. संघटनेचे सचिव फिरोज सरगूर, कार्याध्यक्ष अविनाश माने, राजू थोरवडे, सुभाष घाटगे, पप्पू जाधव, सोनी चव्हाण, सलीम शेख, नागेश शिंदे, गौरव पवार, राज पवार, साजिद गडवाले, आदी उपस्थित होते.