फोटो : 49656

महाबोधी महाविहार
बौद्धांच्या ताब्यात द्या

धम्म चक्र बुद्ध विहारतर्फे संजय तेली यांना निवेदन

सकाळ वृत्तसेवा
कोल्हापूर, ता. ९ : गया (बिहार) येथील महाबोधी महाविहाराचा मंदिर कायदा १९४९ रद्द करून तो बौध्दांच्या ताब्यात द्या; अन्यथा तीव्र आंदोलनाचा इशारा भारतनगर येथील धम्मचक्र बुध्दविहारातर्फे निवासी उपजिल्हाधिकारी संजय तेली यांना निवेदन देण्यता आला.
निवेदनात म्हंटले आहे की, बिहार राज्यातील गया या ठिकाणी तथागत भगवान गौतम बुध्दांना ज्या महाबोधी वृक्षाखाली ज्ञान प्राप्त झाले होते. त्याठिकाणी सम्राट अशोक राजाने ई.पू. तिसऱ्या शतकात महाबोधी विहार बांधले आहे. हे सर्वात जुने विहार आहे. या विहाराचा २००२ मध्ये जागतीक हेरिटेज (जागतीक वारसा स्थळ) मध्ये समावेश केला आहे. जगभरातील बौध्द उपासकांचे ते पवित्र ठिकाण आहे. मात्र, काही वर्षांपासून या ठिकाणी बौध्देत्तर समुहाचे व्यवस्थापन आहे. परिणामी बौध्द आचरण पध्दतीला बाधा पोहचत आहे. या ठिकाणी इतर धर्मीय अतिक्रमण वाढत आहे. त्यामुळे हे विहार बौध्दांच्या ताब्यात मिळावे, यासाठी अखिल भारतीय बुद्धीस्ट फोरम आणि विविध संघटनांचे गेल्या १२ फेब्रुवारी पासून आंदोलन सुरू आहे. या मागणीला पाठींबा आहे.
अध्यक्ष सोमनाथ घोडेराव, प्रकाश अंगरखे, गोविंद वैद, तानाजी निकम, सदाशिव सांगावकर, संग्राम सोनवणे, अभिषेक ओव्हाळ, रोहित चंद्रे, धम्मपाल घोडेराव, डॉ. सिध्दार्थ घोडेराव उपस्थित होते.