व्हीआयपी इंडस्ट्रीजकडून
सीपीआरला ३० हजार मास्क

सकाळ वृत्तसेवा

कोल्हापूर, ता. ३० ः राजर्षी छत्रपती शाहू महाराज शासकीय वैद्यकीय महाविद्यालय व छत्रपती प्रमिलाराजे सर्वोपचार रुग्णालयास व्हीआयपी इंडस्ट्रीज (मुंबई) कंपनीने ३० हजार प्रोटेक्टेड मास्क देणगी म्हणून दिले आहे. असे मास्क १०० टक्के विषाणू प्रतिबंधक आहेत. यामुळे कोरोनासह इतर संसर्गापासून बचाव होणार आहे. शासकीय वैद्यकीय महाविद्यालयाचे अधिष्ठाता डॉ. एस. एस. मोरे व अधिक्षक डॉ. राजेंद्र मदने यांनी मास्क स्वीकारले. सोमवार (ता. १) पासून सीपीआरच्या रुग्णांना मोफत मास्क देण्यात येतील.
कार्यक्रमास व्हीआयपी इंडस्ट्रीज मुंबईचे सहाय्यक व्यवस्थापक अक्षय परीकर, समाजसेवा अधीक्षक, जी. टी हॉस्पिटल, मुंबईचे विजय गायकवाड यांचे सौजन्य लाभले.
यावेळी अधिष्ठाता डॉ. एस. एस. मोरे म्हणाले, ‘‘कोरोनाच्या पार्श्वभूमीवर मास्कची मदत होणार आहे. मास्क देणगीमुळे रुग्णालयात दाखल होणाऱ्या रुग्णांच्या रुग्णसेवेसह व समाजहित आधिक चांगल्या प्रकारे साधले जाईल.’’ यावेळी विजय गायकवाड यांनी, राज्यभर मास्क देणगीदाखल देण्यात येतील. सुरुवात कोल्हापुरातून झाल्याचे सांगितले. परीकर यांनी रुग्णालयासाठी आणखी मदत करण्याचे आश्वासन दिले. सोमवारपासून केस पेपर कक्षातून मास्कचे मोफत वाटप होईल. आठवडाभर मास्क वापरण्याविषयी जनजागृती केली जाईल. यावेळी बालरोगशास्त्र विभागाचे विभागप्रमुख डॉ. शिशिर मिरगुंडे, समाजसेवा अधिक्षक विभागाचे विभागप्रमुख शशिकांत राऊळ, समाजसेवा अधीक्षक बाजीराव आपटे, अजित भास्कर उपस्थित होते. रोहीत लोखंडे यांनी सूत्रसंचलन केले. महेंद्र चव्हाण यांनी आभार मानले.