71386
कोल्हापूर : पदवीधर मित्रतर्फे कोल्हापूर खंडपीठ समर्थनार्थ स्वाक्षरी पुस्तिकेत आपली स्वाक्षरी करताना केंद्रीय मंत्री रामदास आठवले. शेजारी माणिक पाटील-चुयेकर, उत्तम कांबळे आदी.

खंडपीठ ही सहा जिल्ह्यांची
सामाजिक गरज : मंत्री आठवले
कोल्हापूर : घटनेनुसार समाजातील सर्वच घटकांना कमीत कमी खर्चात, वेळेत न्याय मिळवून देणे शासनाला बंधनकारक आहे. या विषयीची सामाजिक गरज लक्षात घेता, कोल्हापूर येथे मुंबई उच्च न्यायालयाचे खंडपीठ होण्यासाठी मुख्यमंत्र्यांकडे सर्वतोपरी प्रयत्न करू, असे आश्वासन केंद्रीय सामाजिक न्याय राज्यमंत्री रामदास आठवले यांनी यासंदर्भात भेटलेल्या शिष्टमंडळास दिले. याबाबत पदवीधर मित्रचे अध्यक्ष माणिक पाटील-चुयेकर आणि ‘आरपीआय’चे (आठवले गट) जिल्हाध्यक्ष उत्तम कांबळे यांच्या नेतृत्वाखालील शिष्टमंडळाने श्री. आठवलेंची कोल्हापुरात भेट घेतली. कोल्हापूर खंडपीठ समर्थनार्थ पदवीधर मित्रच्या वतीने सुरू असलेल्या लोकप्रतिनिधींच्या स्वाक्षरी मोहिमेतील स्वाक्षरी पुस्तिकेत मंत्री आठवले यांनी आपली स्वाक्षरी केली. यावेळी ‘आरपीआय’चे राज्य सचिव मंगलराव माळगे, जिल्हा संघटक राजेंद्र ठिकपुर्लेकर, राज्य कामगार आघाडी सचिव गुणवंत नागटिळे, जिल्हा कार्याध्यक्ष दत्ता मिसाळ, युवा जिल्हाध्यक्ष अविनाश शिंदे, रमेश पाटील, रवींद्र पाटील-येवतीकर आदी उपस्थित होते.