36698
दानोळी : येथे झालेल्या क्रिकेट स्पर्धेतील विजेत्या तिरुपती मांगले संघाला चषक बक्षीस देताना मान्यवर.
....................
तिरुपती मांगले विजेता,
अजिंक्यतारा उपविजेता

आंबेडकर जयंतीनिमित्त दानोळीत क्रिकेट स्पर्धा

सकाळ वृत्तसेवा
दानोळी, ता. ११ ः डॉ. बाबासाहेब आंबेडकर यांच्या १३५ व्या जयंतीनिमित्त एस. एम. जी. स्मृती प्रतिष्ठान संचलित बोधिसत्त्व युवा विचार मंच, गोठणे-दानोळी यांच्या वतीने टेनिस बॉल क्रिकेट स्पर्धा उत्साहात पार पडली. अंतिम सामन्यात तिरुपती मांगले (सांगली) संघाने उत्कृष्ट कामगिरी करत विजेतेपद पटकावले. अजिंक्यतारा सांगाव (कोल्हापूर) संघ उपविजेता ठरला. वारणा स्पोर्टस् (गोठणे-दानोळी) संघाने तृतीय आणि विजय स्पोर्टस (अकिवाट) संघाने चतुर्थ क्रमांक मिळवला.
विजेत्या संघांना अनुक्रमे १५ हजार, १० हजार, सहा हजार व पाच हजार रुपये रोख पारितोषिके, चषक व सन्मानचिन्ह प्रदान करण्यात आले. वैयक्तिक पारितोषिकांमध्ये संतोष पाटील (अजिंक्यतारा वाडदे, सांगाव) याची उत्कृष्ट फलंदाज, ओंकार पाटीलची उत्कृष्ट गोलंदाज म्हणून निवड झाली. वारणा स्पोर्टसच्या नदीम चौगुलेने ‘मॅन ऑफ द सीरिज’ पुरस्कार पटकावला. तर अंतिम सामन्यातील ‘मॅन ऑफ द मॅच’ पुरस्कार राम वकटे (तिरुपती स्पोर्टस्, मांगले) याला मिळाला.
यावेळी स्पर्धा संयोजक दीपक गोठणेकर, नजीर चौगुले, विकास घोलप, ॲड. सिद्धार्थ काकडे, दाऊद पटेल, आदी उपस्थित होते. स्पर्धेचे आयोजन अजय कांबळे, रवी तांबे, शुभम घोलप, नीलेश कांबळे, संदेश कांबळे, प्रशिक कांबळे, आदींनी केले.