‘घाळी’त प्री प्लेसमेंट शिबिर
गडहिंग्लज : येथील डॉ. घाळी महाविद्यालयात प्री प्लेसमेंट शिबिर उत्साहात झाले. रिक्रूट गॅलेक्सीचे प्रशांत कित्तूरकर यांची प्रमुख उपस्थिती होती. प्राचार्य डॉ. दत्ता पाटील अध्यक्षस्थानी होते. प्रा. अभिजित इंगळे यांनी स्वागत केले. प्रा. संकेत बेल्लद यांनी पाहुण्यांची ओळख करुन दिली. मुलाखतीची तयारी कशी करावी, बायोडाटा कसा बनवावा याबाबत श्री. कित्तूरकर यांनी मार्गदर्शन केले. डॉ. पाटील यांनी नोकरी मिळविण्यासाठी कौशल्ये कशी महत्त्वाची आहेत याचे महत्त्व विशद केले. प्रा. निखिल घुळान्नावर, प्रा. निकिता भोईटे, प्रा. प्रज्ञा पटेकरी, प्रा. सचिन माने, डॉ. संदीप परीट, प्रा. पौरवी पाटील उपस्थित होते. प्रा. सौरभ पाटील यांनी सूत्रसंचालन केले. प्रा. राजेंद्र सावेकर यांनी आभार मानले.