वीज कोसळून जखमी युवकाचा मृत्यू
तासगाव, ता. २५ : सावर्डे (ता. तासगाव) येथे अंगावर वीज कोसळून जखमी झालेल्या रोहित उत्तम मंडले (वय २३) या युवकाचा उपचारादरम्यान मृत्यू झाला. ही घटना शुक्रवारी सायंकाळी घडली.
शुक्रवारी सायंकाळी परिसरात जोरदार वादळी वाऱ्यासह पाऊस व विजांचा कडकडाट सुरू होता. त्यावेळी रोहित मंडले अंगणात असताना त्यांच्या अंगावर वीज कोसळली. यात ते गंभीर जखमी होऊन बेशुद्ध पडले. त्यांना तात्काळ तासगाव येथील हेल्थ केअर हॉस्पिटलमध्ये दाखल करण्यात आले. मात्र, उपचार सुरू असताना शनिवारी सकाळी त्यांचा मृत्यू झाला. रोहित हा आई-वडिलांचा एकुलता एक मुलगा असल्याने परिसरात हळहळ व्यक्त होत आहे.