gad68.jpg

41862

बसर्गेतील क्रिकेट स्पर्धेत
शिरगुप्पी स्पोर्टस् विजयी

नूल, ता. ६ ः बसर्गे (ता. गडहिंग्लज) येथे झालेल्या अर्जुन चषक क्रिकेट स्पर्धेत शिरगुपी स्पोर्टस् (ता. चिकोडी) संघाने विजेतेपद पटकावले. अंतिम सामन्यात त्यांनी उत्कृष्ट कामगिरी करत आयर्न स्पोर्टस् सोनारवाडी (गारगोटी) संघाचा पराभव केला. आयर्न स्पोर्टस् संघाला उपविजेतेपदावर समाधान मानावे लागले, तर कोन्नूर स्पोर्टस् (गोकाक) संघाने तृतीय क्रमांक मिळवला.
बसर्गे येथील एस. एम. हायस्कूलच्या मैदानावर बसर्गे क्रिकेट क्लबतर्फे या स्पर्धेचे आयोजन केले होते. स्पर्धेत ३२ संघांनी सहभाग घेतला होता. स्पर्धेत उत्कृष्ट कामगिरी करणाऱ्या खेळाडूंमध्ये उत्कृष्ट फलंदाज म्हणून विशाल बेल्लारी, उत्कृष्ट गोलंदाज म्हणून श्रीकांत पाटील, तर मालिकावीर म्हणून शफिक गोरलेबोल याची निवड करण्यात आली. स्पर्धेचे बक्षीस वितरण श्रीमंत वर्षादेवी नाडगोंडे व पंचायत समिती सदस्या रूपाताई केसरोळी यांच्या हस्ते करण्यात आले. यावेळी किरण पाटील, शंकर केसरोळी, रशीद मुल्ला, विजय जाधव, लखाप्पा बसर्गे, श्रीधर टोणपी, चेतन घुळानावर, राजू टोणपी, सागर टोणपी उपस्थित होते.