सिंधुदुर्गातील १४ गावांतून
शक्तिपीठ महामार्ग जाणार
सुधारित अधिसूचना; सर्व्हे क्रमांकही जाहीर

सकाळ वृत्तसेवा
सावंतवाडी, ता. ७ : बहुचर्चित शक्तिपीठ महामार्गाची सुधारित अधिसूचना जारी झाली असून यात सिंधुदुर्गातील १४ गावांचा समावेश आहे. महामार्ग चौकुळ-केगद येथून जिल्ह्यात प्रवेश करेल. सह्याद्रीच्या रांगामध्ये असलेल्या गावातून बांद्याला जोडला जाणार आहे. तेथे (पत्रादेवीजवळ) तो गोव्याला जोडला जाणार आहे.
सार्वजनिक बांधकाम विभागाने शक्तिपीठ महामार्गाबाबतची अधिसूचना पाच मेच्या तारखेने जारी केली आहे. महामार्गाबाबत याआधी २८ फेब्रुवारी २०२४ ला अधिसूचना जारी झाली होती. राज्यात याला ठिकठिकाणी विरोध झाला. यानंतर शासनाने मार्गात बदल करत सुधारित अधिसूचना आता जारी केली आहे. यात कोणत्या सर्व्हे नंबरमधील किती क्षेत्र या महामार्गासाठी असेल याचेही तपशील आहेत. नव्या अधिसूचनेनुसार महामार्ग चौकुळ-केगदमार्गे खाली यात १४ गावांचा समावेश आहे.
चौकट
समाविष्ट गावे
दोडामार्ग तालुका - फुकेरी, झोळंबे, कुंभवडे. सावंतवाडी तालुका - केगद, उडेली, नेने, फणसवडे, घारपी, दाभिळ, असनिये, पडवे माजगाव, पडवे, डेगवे आणि बांदा.
-----------------