45596
गडहिंग्लज : शिवसेनेतर्फे (उबाठा) जादा बसफेरीबाबत निवेदन देण्यात आले. याप्रसंगी अवधूत पाटील, प्रकाश रावळ, संजय पाटील, वसंत नाईक आदी उपस्थित होते.

गडहिंग्लज-हाजगोळी मार्गावर जादा बसची मागणी
गडहिंग्लज : गडहिंग्लजहून हाजगोळीसाठी सकाळी नऊ आणि सायंकाळी सव्वापाच अशा दोन बसफेऱ्या आहेत. मात्र, या मार्गावरील भारमान अधिक आहे. क्षमतेपेक्षा अधिक प्रवाशांची वाहतूक करावी लागत आहे. त्यामुळे या मार्गावर जादा बसफेऱ्या सुरू कराव्यात, अशी मागणी शिवसेनेतर्फे (उबाठा) केली. आगारप्रमुखांना याबाबतचे निवेदन दिले. ग्रामीण भागात बसफेऱ्या कमी असल्याचे दिसून येत आहे. हाजगोळी मार्गावर सकाळी नऊला आणि सायंकाळी सव्वापाचला अशा दोन बसफेऱ्या आहेत. या मार्गावर नऊ बसथांबे आहेत. विद्यार्थ्यांच्या शैक्षणिक सोयीसाठी हे वेळापत्रक असले तरी प्रवाशांची मोठी गर्दी असते. तातडीने त्याबाबत निर्णय घेऊन प्रवाशांना दिलासा द्यावा, अन्यथा आंदोलन करू, असा इशारा निवेदनातून दिला. तालुकाप्रमुख अजित खोत, अवधूत पाटील, विलास यमाटे, संजय पाटील, सुधाकर जगताप, मनीष हावळ, प्रकाश रावळ, दिनेश कुंभीरकर, वसंत नाईक, सुहास जाधव, तुकाराम वाघराळकर, संभाजी येडूरकर, बाळासाहेब कुंभार, विशाल चव्हाण आदींच्या निवेदनावर सह्या आहेत.