55768
अभिजित बोरगे

लैंगिक छळ निवारण समितीवर बोरगेंची नियुक्ती
कोल्हापूर : लैंगिक छळ निवारण समितीवर खुपिरे (ता. करवीर) येथील अभिजित दत्तात्रय बोरगे यांची अशासकीय सदस्यपदी नियुक्ती केली आहे. महाराष्ट्र शासनाच्या महिला व बालविकास विभागाने ही नियुक्ती केली. कामाच्या ठिकाणी महिलांचा लैंगिक छळ (प्रतिबंध, मनाई आणि निवारण) अधिनियम २०१३ अ नुसार, शासकीय, निमशासकीय, खासगी कार्यालयात अंतर्गत समिती, जिल्ह्याच्या ठिकाणी स्थानिक समिती स्थापन करणे बंधनकारक आहे. या दोन्ही समित्यांवर अशासकीय सदस्य बोरगे यांची नियुक्ती केली आहे. महिलांच्या लैंगिक छळ तक्रारीबाबत ही समिती जिल्हास्तरावर कार्यरत राहणार आहे. या समितीकडून ‘विशाखा’ आदेशाचे आणि कामाच्या ठिकाणी महिलांचा लैंगिक छळ अधिनियमानुसार चौकशी करण्याचे अधिकार आहेत. बोरगे यांनी रेल्वेच्या ‘चाइल्ड लाइन'' प्रकल्पावर समन्वयक म्हणूनही उल्लेखनीय काम केले आहे.