01366
नागरदळे ः येथील ओढ्यालगतचा रस्ता पावसात असा खचला आहे.
...
नागरदळेत ओढ्यालगतचा रस्ता खचला
कोवाड ः जुलै महिन्यात झालेल्या जोरदार पावसात नदीला महापूर येऊन पिकांचे जसे नुकसान झाले तसे रस्त्यांचेही मोठ्या प्रमाणावर नुकसान झाले आहे. नागरदळे (ता. चंदगड) येथील ओढ्यालगतचा रस्ता बाजूपट्ट्यापासून तुटून गेला आहे. यामुळे शेजारच्या शेतीचेही नुकसान झाले आहे. जुलै महिन्यात सलग आठ दिवस जोरदार पाऊस झाला. ताम्रपर्णी नदीला महापूर आला. पुरामुळे नदीकाठावरील पिकांचे मोठे नुकसान झाले. या पावसात कोवाड परिसरातील रस्त्याचीही चाळण झाली. अनेक ठिकाणचे ओढे-नाले तुडूंब भरुन वाहू लागले. नागरदळे येथील ओढ्यालगत रस्त्याची बाजूपट्टी तुटून गेली आहे. झाडांचे बुंधे मोकळे झाले आहेत. दरवर्षी येथे पावसात रस्ता खचण्याचा प्रकार घडतो आहे. त्यामुळे कायमस्वरुपी उपाययोजना करण्याची गरज आहे.