03314
कोवाड : येथील कला, वाणिज्य आणि विज्ञान महाविद्यालयाच्या वर्धापन दिन कार्यक्रमात देणगीदारांचा सत्कार करताना संस्थेचे अध्यक्ष एम. व्ही. पाटील, उपाध्यक्ष प्रा. एन. एस. पाटील व इतर.

महाविद्यालयातून विद्यार्थ्यांचे
भवितव्य घडविण्याचे काम
अमृतराव देसाई : कोवाडला वर्धापनदिनी कार्यक्रम
सकाळ वृत्तसेवा
कोवाड, ता. १५ : गेल्या तीन दशकांत कला, वाणिज्य आणि विज्ञान महाविद्यालयाने शिक्षणाची संधी देत विद्यार्थ्यांचे भवितव्य घडविण्याचे काम केले आहे. महाविद्यालय ही केवळ शिक्षण देणारी संस्था नसून विद्यार्थ्यांच्या स्वप्नांना दिशा देणारे ज्ञानमंदिर आहे, असे मत माजी मुख्याध्यापक अमृतराव देसाई यांनी व्यक्त केले.
येथील सर्वोदय शिक्षण संस्थेच्या कला, वाणिज्य आणि विज्ञान महाविद्यालयाचा ३१ वा वर्धापन दिन विविध उपक्रमांनी साजरा झाला. त्यावेळी प्रमुख पाहुणे म्हणून देसाई बोलत होते. अध्यक्षस्थानी सर्वोदय शिक्षण संस्थेचे अध्यक्ष एम. व्ही. पाटील, उपाध्यक्ष प्रा. एन. एस. पाटील उपस्थित होते.
प्राचार्य व्ही. आर. पाटील व शाहू फर्नांडिस यांनी प्रास्ताविक केले. यावेळी काशिनाथ कांबळे, धोंडीबा कुट्रे, विजय प्रधान, अनिल पाटील, मारुती बिर्जे, नारायण महागावकर, मधुकर पाटील, जोतिबा वांद्रे, व्ही. के. दळवी या देणगीदारांचा सत्कार करण्यात आला. अध्यक्ष पाटील यांनी बहुजन समाजाची शिक्षणाची गरज ओळखून सुरू झालेल्या या महाविद्यालयात आज हजारो विद्यार्थी शिक्षण घेत असल्याचे सांगितले. उपाध्यक्ष प्रा. पाटील यांनीही मनोगत व्यक्त केले. यावेळी विविध स्पर्धा आयोजित केल्या होत्या. कार्यक्रमाला गोविंद प्रभू, डॉ. पी. बी. पाटील, बी. के. पाटील, आप्पा वांद्रे, नरसिंग बाचूळकर, एम. जे. पाटील, शिवाजी आडाव, रामचंद्र व्हन्याळकर, संजीव पाटील, नामदेव पाटील, राणबा तोगले उपस्थित होते. डॉ. आर. डी. कांबळे यांनी सूत्रसंचालन केले. डॉ. ए. के. कांबळे यांनी आभार मानले.