94730
दुर्लक्षामुळे वाळली झाडे
शहरातील दुभाजकावरील स्थिती;
सुयोग घाटगे : सकाळ वृत्तसेवा
कोल्हापूर , ता.१० : शहरातील मुख्य मार्गावर सुशोभीकरणाच्या हेतूने लावलेली झाडे पाण्याविना वाळली आहेत. झाडांवर धुळीचा थर साठला आहे. शहरातील मुख्य मार्ग असणारा एस.टी. स्टॅन्ड ते दसरा चौक रस्त्यावरील दुभाजकामध्ये असणारी अनेक झाडे पाण्याअभावी सुकली आहेत. शिवाजी विद्यापीठ रस्त्यावरही हेच चित्र आहे.
गाडीच्या चाकांची पडलेली माती, कार्बन डस्ट असे सगळ्याचे एकत्रित मिश्रण दुभाजकाच्या बाजूने साठले जाते. ही जमलेली धूळ उचलून पुन्हा दुभाजकांच्या मधेच टाकून झाडांच्या मुळाशी असणाऱ्या मातीचा पोत संपवण्याचे कार्य सातत्याने होत आहे. टाळलेले कष्ट आणि कामातून वापरलेला शॉर्टकट यामुळे या झाडांची लाईफकट झाल्याचे दिसून येते.
सुरुवातीला नव्याने या झाडांचे रोपण केल्यानंतर काही दिवस पाणी देण्यासाठी टँकरची सोय केली होती. या नंतर उभी टाकी बनवली. मात्र, या टाकीमध्येच पाणी नसल्याने झाडे कोमेजून हळूहळू वाळू लागली.
एकीकडे शहर सुशोभित करण्याच्या हेतूने मोकळ्या भिंतीवर चित्रे रेखाटून निर्जीव भिंती सजीव केल्या आहेत. मात्र, दुसरेकडे सजीव असणारी झाडे काळजीअभावी सुकली आहेत.
कोट
वाहनातून होणारे कार्बन उत्सर्जन व निर्माण होणारे घातक वायू शोषून घेण्याच्या हेतूने ही झाडे लावली जातात. मात्र, अनेक ठिकाणी नियोजनाचा अभाव व देखभाल होत नसल्यामुळे ही झाडे सुकू लागली आहेत. झाडांवर साठलेल्या धुळीमुळे व पाणी नसल्यामुळे झाडेच नष्ट होऊ लागली आहेत.
डॉ. मकरंद ऐतवडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.