79666
वसुंधरा दिनानिमित्त गार्डन्स
क्लबतर्फे पेपरपासून विविध वस्तू

सकाळ वृत्तसेवा

कोल्हापूर, ता. २५ : जागतिक वसुंधरा दिनानिमित्त गार्डन्स क्लबतर्फे प्लास्टिकला पर्याय म्हणून पेपरपासून विविध वस्तू तयार करण्याची कार्यशाळा झाली. यंदाच्या वसुंधरा दिनाची प्लॅनेट विरुद्ध प्लास्टिक या संकल्पनेच्या आधारे आयोजन केले गेले. चिदंबर शिंदे यांनी पेपरपासून चटई, आकाश कंदील, पेन, पेंसिल, फ्रूट बास्केट, फोल्डर्स अशा वस्तू बनविण्याचे प्रात्यक्षिक दाखवले.
या वस्तू बनविताना त्यांनी डिंकाचा वापर न करता एकमेकांमध्ये गुंफून तयार केल्या. शिंदे म्हणाले, ‘हे काम खूप कौशल्याचे, मेहनतीचे आणि चिकाटीचे आहे. आपण ज्यावेळी प्लास्टिक वापरू नका म्हणून सांगतो; त्यावेळी त्याचे पर्यायही सांगितले पाहिजेत. त्यानंतरच प्लास्टिकचा वापर कमी होईल. गार्डन्स क्लब अध्यक्षा पल्लवी कुलकर्णी यांनी पाहुण्यांची ओळख करुन दिली. उपाध्यक्ष अविनाश शिरगांवकर यांनी स्वागत केले. यावेळी सेक्रेटरी सुप्रिया भस्मे, कोषाध्यक्षा प्राजक्ता चरणे, सह कोषाध्यक्षा सुनेत्रा ढवळे, सल्लागार समिती सदस्य कृपेश हिरेमठ, डॉ. अल्पना चौगुले, राजकुँवर कदम, धनश्री अंतुरकर उपस्थित होते.

कोल्हापूर : गार्डन्स क्लब तर्फे वसुंधरा दिनानिमित्त कागदापासून विविध वस्तू बनविण्याचे प्रात्यक्षिक दाखवले.