उन्हाळी सत्रातील
चार अभ्यासक्रमांचे
निकाल जाहीर

कोल्हापूर : शिवाजी विद्यापीठाच्या मार्च/एप्रिल २०२४ उन्हाळी सत्रातील चार अभ्यासक्रमांचे निकाल आज जाहीर करण्यात आले. आजअखेर एकूण ६५२ अभ्यासक्रमांचे निकाल जाहीर झाले आहेत. परीक्षा विभागातर्फे पदवी व पदव्युत्तर अभ्यासक्रमाच्या परीक्षा २१ मार्चपासून व्यवस्थित सुरू झाल्या आहेत. पैकी एम. बी. ए. सेमिस्टर एक व दोन, बी. टेक. सेमिस्टर पाच व सहा अभ्यासक्रमांचे निकाल जाहीर करण्यात आले. परीक्षेत गैरप्रकार करणाऱ्या विद्यार्थ्यांवर नियंत्रण ठेवण्यासाठी भरारी पथके स्थापन केली आहेत. विद्यार्थ्यांनी दिलेल्या सूचनाप्रमाणेच परीक्षा द्यावी, असे आवाहन परीक्षा व मूल्यमापन मंडळाचे संचालक डॉ. अजयसिंह जाधव यांनी केले आहे.