निलंबित पोलिसाची
पत्नीला मारहाण

कोल्हापूर : निलंबित पोलिस हवालदाराने केलेल्या मारहाणीत पत्नी कविता पतंगराव रेणुशे (वय ४९, रा. मोरेवाडी, ता. करवीर) जखमी झाल्या. याप्रकरणी पतंगराव शामराव रेणुशे (रा. बेंद्रेनगर, कोल्हापूर) याच्या विरोधात जुना राजवाडा पोलिस ठाण्यात गुन्हा दाखल झाला. रेणुशे याच्याकडून वारंवार मारहाण, मुलाला संपविण्याची धमकी देण्याचा प्रकार सुरू होता. माहेरहून पैसे आणि दागिने आणण्यासाठी छळ झाल्याचेही फिर्यादीत म्हटले आहे. हवालदार रेणुशे हा मुख्यालयात कार्यरत होता.
..............
फिरस्त्याचा मृत्यू
कोल्हापूर : बुरुड गल्लीत जखमी अवस्थेत मिळालेल्या परिमल दुर्लभजी मख्खनवाला (वय ६०) यांचा उपचारादरम्यान मृत्यू झाला. बुधवारी मध्यरात्री परिसरातील नागरिकांनी सीपीआरमध्ये दाखल केले होते. उपचार सुरू असताना आज सकाळी साडेआठच्या सुमारास त्यांचा मृत्यू झाल्याची नोंद सीपीआर पोलिस चौकीत झाली.