कुरुंदवाड अर्बन बँकेला
दोन कोटींवर नफा
कुरुंदवाड ः येथील स्वातंत्र्यसेनानी श्रीपाल आलासे काका कुरुंदवाड अर्बन बँकेने ७०० कोटींचा मिश्र व्यवसायाचा टप्पा पूर्ण केला. बँकेला दोन कोटी ३६ लाखांचा निव्वळ नफा झाला, अशी माहिती अध्यक्ष प्रदीप पाटील यांनी दिली. श्री. पाटील म्हणाले, बँकेची आर्थिक स्थिती भक्कम असून, १८ कोटी ७१ लाखांचे भाग भांडवल आहे. स्वनिधी ४९ कोटी ६१ लाख आहे. यंदा ठेवीत ५७ कोटी २१ लाखांची भर पडली. एकूण ठेवी ४३८ कोटींवर पोहोचल्या आहेत, तर २६६ कोटी ६० लाखांचे कर्जवाटप झाले आहे. एनपीए केवळ १ टक्का आहे. अरुण आलासे, मोनाप्पा चौगुले, इकबाल पटवेगार, भगवान गायकवाड, दीपाली पाटील, नंदकुमार पाटील, रेश्मा पाटील, सुजाता भबिरे, सरिता जोंग, मुख्य कार्यकारी अधिकारी राजाराम ऱ्हाटोळे उपस्थित होते.