00990
बावडा परिसरात नालेसफाई पूर्ण
कसबा बावडा, ता. १ : बावडा परिसरातील नालेसफाईचे काम पूर्ण झाले आहे. पंधरा दिवसांपासून महापालिकेकडून येथे नाले सफाईचे काम सुरू आहे. बावड्यातील सहा प्रभागांमधील नाले सफाईचे काम पूर्ण झाले असून सहा टन गाळ काढण्यात आला. आगामी पावसाळ्यातील नालेसफाईच्या पार्श्वभूमीवर आरोग्य विभागाकडून कार्यवाही केली.
बावड्यातील विविध ठिकाणी सहा प्रभागांत काम झाले. यामध्ये प्रिन्स शिवाजी शाळा पिछाडी, उलपे मळा, आंबेडकरनगर परिसर, बावडा-कदमवाडी रस्ता, बडबळे मळा येथील चॅनेल, लाईन बाजार हॉकी मैदान, अष्टेकर नगर येथील चॅनेल, साठ कोटरी येथील चॅनेल, एकखांबी गणपती मंदिर ते गुंजन हॉटेलजवळील चॅनेलचे काम पूर्ण झाले. आज सकाळी रेणुका मंदिर परिसरातील काम पूर्ण झाले आहे.
बावड्यातील प्रत्येक प्रभागामध्ये महापालिकेचे कर्मचारी काम करतात. यातील प्रभागाप्रमाणे वीस ते पंचवीस कर्मचाऱ्यांनी नालेसफाई केली आहे. एक ते सहा प्रभागातील नाल्यांच्या सफाईचे काम पूर्ण करण्यासाठी जेसीबी मशीन, ट्रॅक्टर, डंपर इत्यादी साधने वापरण्यात आली. या प्रभागातून काढलेला गाळ बावडा कचरा प्रकल्पाच्या बाजूला टाकण्यात आला आहे, अशी माहिती महापालिकेचे आरोग्य निरीक्षक नंदकुमार पाटील यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.