शेळेवाडीत व्याख्यान
कसबा वाळवे ः किशोरवय आयुष्यातील वादळी काळ आहे. या वयात वाऱ्यासारख्या उधळणाऱ्या मनाला वेळीच आवर घाला; अन्यथा तोच तुमचा हाडवैरी बनेल, असे सार्थ उद्गार शिक्षणतज्ज्ञ डी. व्ही. पाटील यांनी व्यक्त केले. ते शेळेवाडी (ता. राधानगरी) येथील विद्यालंकार भवन माध्यमिक शाळेमध्ये ‘परीक्षेला सामोरं जाताना’ विषयावर ते प्रमुख पाहुणे म्हणून बोलत होते.
तळाशीचे सरपंच बबन जाधव म्हणाले, ‘दुर्दम्य इच्छाशक्ती आणि आत्मविश्वासाच्या बळावर जगात अशक्य असे काही नाही हे विद्यार्थ्यांनी लक्षात घ्यावे.’ यावेळी उद्योजक सचिन पाटील, मुख्याध्यापक पी. बी. कोले, दिलीप खाडे, संतोष पाटील, एम. एस. हिरेमठ, एन. पी. पाटील यांनी मनोगत व्यक्त केले. कार्यक्रमात शाळेतील पाच विद्यार्थी प्रधानमंत्री यंग ॲचिव्हर्स तर राष्ट्रीय स्कॉलरशिपमध्ये सहा विद्यार्थी पात्र ठरलेल्या तसेच सहा विद्यार्थी मर्दानी खेळ प्रकारात राष्ट्रीय पातळीवर यशस्वी झालेल्या विद्यार्थ्यांचा प्रमुख पाहुण्यांच्या हस्ते सत्कार झाला. यावेळी वीरभद्र ट्रस्टचे संस्थापक रामचंद्र कांबळे, डी. बी. पाटील, अवधूत पाटील, रविराज जाधवसह शिक्षक, पालक आणि विद्यार्थी उपस्थित होते.