स्वराज्य फौंडेशनमार्फत
उंड्रीत महाप्रसादाचे वाटप
कोतोली : उंड्री (ता. पन्हाळा) येथील सामाजिक क्षेत्रात उल्लेखनीय काम करणाऱ्या स्वराज्य फौंडेशन यांच्यामार्फत जोतिबा देवाच्या चैत्र यात्रेनिमित्त आलेल्या भाविकांना महाप्रसादाचे वाटप झाले. ४०० पेक्षा अधिक भाविकांनी महाप्रसादाचा लाभ घेतला. फौंडेशनमार्फत अशा सामाजिक उपक्रमाबरोबर वृक्षारोपण, आपत्तीवेळी लोकांच्या मदतीला धावून जाणे, गरजू विद्यार्थ्यांना शैक्षणिक साहित्य वाटप करणे, समाजहिताच्या शिबिरांचे आयोजन असे अनेक उपक्रम घेतले जातात. महाप्रसाद वाटपावेळी स्वराज्य फौंडेशनचे संस्थापक अध्यक्ष अनिल कडव, स्वप्नील यादव, तानाजी पाटील, बाबूराव यादव, संदीप गवळी, सुनील दाते, नितीन मोळे, महादेव यादव, साहिल कुदळे, सागर सावेकर, अजित पाटील, सचिन पाटील यांच्यासह पुजारी लखन लादे उपस्थित होते.