01186

श्रम, संस्कारांमुळे विद्यार्थी
सुसंस्कृत होतात : डॉ. पवार

श्रीपतराव चौगुले कॉलेजच्या श्रमसंस्कार शिबिराची सांगता

सकाळ वृत्तसेवा

कोतोली ता. ४ : ‘राष्ट्रीय सेवा योजनेच्या श्रमसंस्कार शिबिरात विद्यार्थ्यांच्या जीवनामध्ये परिवर्तन घडते. त्यामुळे विशेष श्रमसंस्कार शिबिरातील श्रम आणि संस्कारांमुळे विद्यार्थी सुसंस्कृत होतात. ग्रामीण भागातील श्रमाचा व संस्काराचा आदर्श विद्यार्थ्यांनी आत्मसात केल्यास विद्यार्थ्यांना त्यांच्या भावी आयुष्यामध्ये मोठा उपयोग होतो,'' असे प्रतिपादन ‘अर्थायन’कार व शाहू अध्यासन कोल्हापूरचे संस्थापक अध्यक्ष डॉ. जे. के. पवार यांनी केले.
श्रीपतराव चौगुले आर्टस् अॅण्ड सायन्स कॉलेजमधील राष्ट्रीय सेवा योजना विभागामार्फत नांदगाव (ता. शाहूवाडी) येथे आयोजित केलेल्या सातदिवसीय निवासी विशेष श्रमसंस्कार शिबिर समारोप प्रसंगी मार्गदर्शन करताना ते बोलत होते. अध्यक्षस्थानी विक्रम महिपती गुरव होते. डॉ. एम. के. कांबळे यांनी प्रास्ताविक, स्वागत केले. पाहुण्यांची ओळख प्रा. एच. एस. शिरसट यांनी करुन दिली. डॉ. उमा पाटील यांनी सूत्रसंचालन केले.
यावेळी संस्थाध्यक्ष डॉ. के. एस. चौगुले, उपाध्यक्ष प्रा. जी. टी. पाटील, संचालक कल्पनाताई चौगुले, डॉ. अजय चौगुले, सचिव शिवाजीराव पाटील, प्राचार्य डॉ. विजयकुमार पाटील, डॉ. उषा पवार, प्रा. शीतल चौगुले, गजानन शिंदे, सरपंच गीता गुरव, उपसरपंच अरुण कांबळे, ग्रामपंचायत सदस्य, पोलिसपाटील सुजाता पाटील, तंटामुक्त समिती अध्यक्ष श्रीपतराव गुरव, ग्रामसेवक सागर निकम, मुख्याध्यापक अशोक पाटील उपस्थित होते. प्रा. जगदिश सरदेसाई यांनी आभार मानले.