हनुमान पतसंस्थेला १ कोटी ८४ लाख ढोबळ नफा
कोतोली : कोतोली (ता. पन्हाळा) येथील श्री हनुमान ग्रामीण बिगरशेती सहकारी पतसंस्थेने चालू आर्थिक वर्षात १ कोटी ८४ लाखांचा ढोबळ नफा तर १ कोटी ५२ लाखांचा निव्वळ नफा मिळवला, अशी माहिती संस्थापक अध्यक्ष बळवंत पाटील यांनी दिली. मार्चअखेर भागभांडवल १ कोटी ३६ लाख आहे. ठेवींचा आकडा १०७ कोटी ७ लाख रुपयांपर्यंत असून गुंतवणूक ३८ कोटी ८७ लाख आहे. वार्षिक उलाढाल ४६७ कोटी झाली आहे. खेळते भांडवल १३१ कोटी ५० लाख रुपये आहे. कर्जदारांसाठी विविध सवलती तसेच आकस्मिक निधनानंतर कर्जमाफीची जीवन सुरक्षा योजना राबविण्यात येत आहे. यावेळी उपाध्यक्ष तानाजी पाटील, संचालक प्रशांत पाटील, मुख्य व्यवस्थापक भिमराव फिरींगे यांच्यासह सर्व पदाधिकारी आणि कर्मचारी उपस्थित होते.