अकलुजचा निर्जरा ग्रुप
नृत्य स्पर्धेत प्रथम
कुंभोज ः येथील वीर सेवा दल व समस्‍त दिगंबर जैन समाजतर्फे प्रथमाचार्य प. पू. १०८ आचार्य पदारोहण शताब्‍दी वर्षानिमित्त विविध धार्मिक व सांस्‍कृतिक कार्यक्रम झाले. महिला व युवतीसाठी सन्‍मती संस्‍कार मंच संचालित महिलाशक्‍तीचा संस्‍कार संस्‍कृती महोत्‍सवातंर्गत सांस्‍कृतिक नृत्‍य स्‍पर्धा घेण्‍यात आली. स्‍पर्धेत निर्जरा ग्रुप (अकलूज) या संघाने प्रथम क्रमांक पटकावला. विजेत्‍या संघास रोख अकरा हजार व प्रशस्‍तीपत्र देऊन सन्‍मानित केले. व्‍दितीय वीर अतिवीर ग्रुप (फलटण) व रत्‍नत्रय ग्रुप (नांद्रे) यांना विभागून दिला. तृतीय ब्राम्‍ही सुंदरी ग्रुप (सांगली) यांनी पटकावला. वीर महिला मंडळ (अब्‍दुललाट) व पर्युषा ग्रुप (समडोळी) यांना उत्तेजनार्थ पारितोषिके दिली. स्‍पर्धेत तेरा संघ सहभागी झाले होते. प्रथमाचार्य शांतिसागर महाराज यांच्‍या जीवनावर आधारित जीवनपट दाखवला. डॉ. चंद्रकांत चौगुले यांचे ‘जागर शांतिसागरचा’ या विषयावर व्‍याख्‍यान झाले. सुरेश चौगुले (सांगली), अनिल भोकरे (कुंभोज) प्रमुख उपस्थित होते.