म्हाकवेची जलजीवन योजना
आमदार मुश्रीफ यांनी मंजूर केली.

रमेश पाटील यांचे पत्रक

म्हाकवे, ता. ८ : येथील नागरिकांना स्वच्छ व मुबलक पाणीपुरवठा होण्यासाठी आम्ही आमदार हसन मुश्रीफ यांच्या माध्यमातून नवीन जलजीवन पाणीपुरवठा योजना मंजूर करून आणली. या योजनेसंदर्भात संबंध नसताना समरजीतसिंह घाटगे यांनी योजनेचे केलेले भूमिपूजन अयोग्य आहे, असे पत्रक येथील मुश्रीफ गटाचे प्रमुख रमेश पाटील यांनी प्रसिद्धीला दिले आहे.
पत्रकात म्हटले आहे, ‘आमदार मुश्रीफ यांनी केलेल्या मार्गदर्शनानुसार सर्व ठराव, प्रयत्न आणि पाठपुरावा आम्ही केलेला आहे. घाटगे यांनी ग्रामपंचायत इमारतीच्या बांधकामाबद्दल प्रश्न उपस्थित केला आहे. या इमारतीच्या बांधकामासाठी आमदार मुश्रीफ यांनी राष्ट्रीय ग्रामस्वराज्य योजनेतून २४ लाख व आमदार फंडातून २५ लाख रुपये निधी दिला आहे. पुढील टप्प्यात लागेल तो निधी देणार आहेत. पंढरपुरात म्हाकवेकरांच्या मठाच्या निधीचे पत्र आमदार मुश्रीफ यांनी दिलेले आहे. ट्रस्टच्या अपुऱ्या कागदपत्रांमुळे पूर्तता झालेली नाही.