खोतवाडीत ग्रामदैवत भैरवनाथ जयंती
माजगाव ः सालाबादप्रमाणे खोतवाडी (ता. पन्हाळा) येथे ग्रामदैवत श्री भैरवनाथ देवाची जयंती उत्साहात झाली. यानिमित्ताने मंदिर परिसरात पुजारी आदित्य आकाराम गुरव यांच्या उपस्थितीत विविध धार्मिक कार्यक्रम झाले. गावात प्रत्येक अंगण रांगोळीने सजले होते. मंदिराला आकर्षक विद्युतरोषणाई, सात दिवस ग्रंथ वाचन, काकडारती, हरिपाठ, वाचन, कीर्तन, प्रवचन, भजनी मंडळांचे भजन, अभिषेक, होमहवन, भैरवनाथ जन्मकाळ व,पालखी सोहळा असे विविध कार्यक्रम झाले. महाप्रसाद वाटपाने उत्सवाची सांगता झाली.