04088

मुख्य रस्त्याची
पडळला दुरवस्था

खड्ड्यांत पाणी साचून रहिवाशांना त्रास

माजगाव, ता. ४  ः पन्हाळा तालुक्यातील पडळ ते माजगाव या प्रमुख मार्गावरील पडळ येथील पेठ गल्लीतील रस्त्याची दुरवस्था झाली आहे. जागोजागी रस्त्यात खड्ड्यांचे साम्राज्य पसरले असून यामध्ये पावसाचे पाणी साचून राहते. यामुळे गल्लीतील रहिवाशांना मोठा त्रास सहन करावा लागत आहे. खड्डेमय रस्त्यावर वाहन चालवताना तारेवरची कसरत करावी लागत आहे.
पन्हाळ्यातील पश्चिम भागाला तालुक्याला जोडणारा हा प्रमुख रस्ता आहे. त्यामुळे येथून नेहमी रहदारी असते. येथून दररोज आठ ते दहा गावांतील वाहनधारक प्रवास करतात. छोट्या-मोठ्या खड्ड्यांमुळे येथून वाहन चालवणे त्रासदायक ठरू लागले आहे. वाहनांचे नुकसान होते. पावसाळ्याचे दिवस आहेत. खड्ड्यात साचलेले गढूळ पाणी वाहनांच्या वेगाने गल्लीतील घरांत जात आहे. त्याचबरोबर प्रमुख बाजारपेठ असलेल्या या गल्लीतील छोट्या मोठ्या दुकानदारांना दुर्गंधीचा सामना करावा लागत आहे. अवघ्या दीड वर्षांपूर्वी या रस्त्याचे डांबरीकरण झाले होते. हा रस्ता त्वरित दुरुस्त करावा, अशी मागणी वाहनधारकांतून होत आहे.