पडळला शेक्सपिअर जयंती, पुस्तक दिन
​माजगाव : पन्हाळा तालुक्यातील पडळ येथील ‘प्रशिक वाचनालय व ग्रंथालय’ येथे जगप्रसिद्ध नाटककार विल्यम शेक्सपिअर यांची जयंती आणि जागतिक पुस्तक दिन झाला. अध्यक्षस्थानी वाचनालयाचे संस्थापक प्रा. डॉ. सुहास राऊत होते. प्रमुख पाहुणे म्हणून प्रसाद पाटील आणि पवित्रा पाटील उपस्थित होत्या. ​प्रा. डॉ. सुहास राऊत यांनी विल्यम शेक्सपिअर यांच्या जीवनप्रवासाचा आणि अजरामर नाटकांचा परिचय दिला. सचिव प्रा. महादेव पोवार यांनी शेक्सपिअर यांच्या साहित्याचे मराठीत झालेले भाषांतर आणि त्याचा साहित्यावरील प्रभाव यावर आढावा घेतला. यवलूजचे प्रसाद पांडुरंग काशीद यांनी ग्रंथालयाच्या कार्यासाठी सर्वतोपरी मदतीचे आश्वासन दिले. पडळचे विनायक प्रकाश पाटील यांची मुंबई लोहमार्ग पोलिस दलात निवड झाल्याबद्दल वाचनालयातर्फे त्यांचा सत्कार झाला. ग्रंथपाल भालचंद्र पाटील आभार मानले.