02185
मलकापूर : येथील मलकापूर अर्बन पतसंस्थेच्या सर्वसाधारण सभेत अध्यक्ष अजय लोध यांनी मार्गदर्शन केले.

मलकापूर अर्बनतर्फे ११ टक्के लाभांश
मलकापूर : येथील अर्बन पतसंस्थेची ५९ वी सर्वसाधारण सभा उत्साहात झाली. सभासदांना अल्पावधीत क्युअर कोड देवून ऑनलाईन व्यवहाराचा लाभ, मेडिक्लेम सेवा व ११ टक्के लाभांश देण्याची घोषणा पतसंस्थेचे अध्यक्ष अजय लोध यांनी केली. येथील नरहर मंदिरात सर्वसाधारण सभा झाली. या वेळी लोध बोलत होते. ते म्हणाले, ‘‘संस्थेला ७१ लाख रुपये नफा झाला आहे. ११५ कोटीवर ठेवी आहेत. आगामी काळात चार नवीन शाखा काढणार आहोत. २०० कोटीचे ठेव उद्दिष्ट गाठायच आहे. त्यासाठी सर्वांनी सहकार्य करावे.’’ या वेळी सभासद बाबूराव ओतारी, दिनेश पडवळ, देसाई, रमेश कामेरकर, शंतनू कोठावळे यांनी सुचना मांडल्या. विविध क्षेत्रात यश मिळवलेल्या सभासदांच्या पाल्यांचा सत्कार झाला. कार्यक्रमास संस्थेचे उपाध्यक्ष बाळासो गद्रे, संचालक अमोल केसरकर, अतुल भिंगार्डे, गिरिश बास्टे, सागर पाटील, संजय भोपळे, भिमराव सणगर, गुलाब भटारी, राजश्री मगर, रजिता वारंगे, मुख्य व्यवस्थापक राजेंद्र जोशी आदी उपस्थित होते. विशेष वसुली अधिकारी संजय बसरे यांनी स्वागत केले. उपाध्यक्ष बाळासो गद्रे यांनी आभार मानले.