शाहूवाडी पंचायत समितीत शिवराज्याभिषेकदिन
शाहूवाडी : येथील पंचायत समितीत ३५० वा शिवराज्याभिषेक सोहळा झाला. त्यानिमित्त आवारातील डाॅ.बाबासाहेब आंबेडकर, शहीद स्तंभ, राजर्षी शाहू महाराज यांच्या प्रतिमेस पुष्पहार घालून अभिवादन करण्यात आले. यावेळी विद्यामंदिर येळाणे शाळेची विद्यार्थीनी वीरश्री शिसाळ,युगांतिका पाटील यांनी मनोगत व्यक्त केले. शिवनेरी पाटील हिने अफजलखानाचा वध हा पोवाडा सादर करून वधाचा ऐतिहासिक प्रसंगच उपस्थितांसमोर उभा केला. गटशिक्षण अधिकारी विश्वास सुतार यांनी छत्रपत्री शिवरायांच्या कार्याची माहिती दिली. यावेळी छत्रपती शिवाजी महाराज यांच्या वेशभूषेत शौर्य चव्हाण तर आकांक्षा गायकवाड, शिरसाट, पाटील या माता जिजाऊंच्या वेशभूषेत उपस्थित होत्या. शिवराज्याभिषेक सोहळ्यास गटविकासाधिकारी श्री. कुचेकर, गटशिक्षणाधिकारी विश्वास सुतार, शिक्षणविस्तार अधिकारी आनंदा सुतार, पंचायत समितीच्या विविध विभागांचे खातेप्रमुख, कर्मचारी उपस्थित होते.