04413
वृक्षमित्र प्रवीण सूर्यवंशी
.....

निसर्गाला ओरबाडू नका, तोच
जीवन आनंदी बनवेल : सूर्यवंशी

सकाळ वृत्तसेवा
मुरगूड, ता. १३ : ‘निसर्ग सर्वात मोठा दाता आहे. तो सर्वांना मुक्त हस्ते भरभरून देतो. त्याच्याशी कृतघ्न होऊ नका. त्याला ओरबाडू नका. कृत्रिम जीवनातून मिळणाऱ्या क्षणिक सुखाने मानवी जीवन यातनामय बनत आहे. निसर्गाकडे चला, तो आपले जीवन आनंदी बनवेल,’ असे प्रतिपादन वृक्षमित्र प्रवीण सूर्यवंशी यांनी केले.
सावर्डे बुद्रुक (ता. कागल) येथे समाजभान फाउंडेशनतर्फे आयोजित संस्कार शिबिरात ते मार्गदर्शन करताना बोलत होते. कार्यक्रमास प्रा. के. बी. पाटील, पांडुरंग महाजन, सागर कांबळे प्रमुख उपस्थित होते. यावेळी सूर्यवंशी यांनी प्रारंभी शिबिरार्थींना परिसरातील वृक्षांची माहिती दिली. त्याचबरोबर रोपनिर्मिती, वृक्षारोपण, डोंगरमाथी बियांची हवाई पेरणी याबाबत मार्गदर्शन केले. तसेच शिबिरामध्ये असताना बिया जमा करण्याचे आवाहनही केले.
समाजभान फाउंडेशनचे अध्यक्ष संजय कांबळे यांनी स्वागत व प्रास्ताविक केले. जगदीश कांबळे यांनी आभार मानले. यावेळी अजित कांबळे, विठ्ठल पाटील, नंदकुमार हिरुगडे यांच्यासह शिबिरार्थी विद्यार्थी-विद्यार्थिनी उपस्थित होते.
............