02326
नेसरी : कारगिल विजयदिनी छत्रपती शिवाजी महाराजांच्या पुतळ्यास पुष्पहार अर्पण करताना सरपंच गिरीजादेवी शिंदे-नेसरीकर, उपसरपंच प्रथमेश दळवी, माजी सैनिक संघटना पदाधिकारी, ग्रामस्थ आदी.

नेसरीत कारगिल विजय दिवस
नेसरी : येथील माजी सैनिक संघटनेतर्फे कारगिल विजयदिनी युद्धात शहीद जवानांना अभिवादन करण्यात आले. प्रारंभी छत्रपती शिवराय, प्रतापराव गुजर, शहीद मेजर सत्यजित शिंदे-नेसरीकर यांच्या पुतळ्यांचे पूजन झाले. सरपंच गिरीजादेवी शिंदे-नेसरीकर, निवृत्त कॅप्टन संभाजी देसाई, वसंतराव गवेकर, सहायक पोलिस निरीक्षक संदीप कांबळे यांनी पुष्पहार अर्पण करून अभिवादन केले. वसंतराव गवेकर यांनी अनेक साहसी घटनांचा उल्लेख करत वीरमरण आलेल्या जवानांना आदरांजली वाहिली. माजी सैनिक शशिकांत जाधव यांनी स्वागत व प्रास्ताविक केले. या वेळी उपसरपंच प्रथमेश दळवी, सदस्य रुक्सार नूलकर, वंदना नांदवडेकर, बाळासाहेब नावलगी, मारुती रेडेकर, मोहन देसाई, मारुती जाधव, सुनील सांबरेकर, आनंद नाईक, माजी सैनिक, ग्रामस्थ उपस्थित होते. माजी सैनिक वसंत देसाई यांनी आभार मानले.