२३७९
कोल्हापूर : आर. के. वालावलकर प्रशाळा येथे नैतिक शिक्षणाचे महत्त्व या विषयावर भगवान भाई यांनी मार्गदर्शन केले.

नैतिक शिक्षणामुळे मानसिक,
बौद्धिक विकास : भगवानभाई
सकाळ वृत्तसेवा
फुलेवाडी ता. २७ : समाजाची, जगाची परिस्थिती पाहता भौतिक विकास झपाट्याने होत आहे. भौतिक विकासाने समाजाचा विकास होत नाही, तर नैतिक शिक्षणाने मानसिक, बौद्धिक व शारीरिक विकास होतो. नैतिक शिक्षणातून गुन्हेगारीमुक्त समाज घडवता येईल. गुन्हेगारीमुक्त समाजासाठी नैतिक शिक्षण आवश्यक आहे, असे प्रतिपादन माउंआबू येथील ब्रह्माकुमारी विद्यालयाचे भगवान भाई यांनी केले. आर. के. वालावलकर प्रशाळा, राजारामपुरी येथे नैतिक शिक्षणाचे महत्त्व या विषयावरील कार्यक्रमात ते बोलत होते.
ते म्हणाले, ‘‘आजची तरुण पिढी वाईट संगत, व्यसनाधीनता, फॅशन यामुळे विचलित होत असून त्यामुळे गुन्ह्यांमध्ये वाढ होत आहे. नैतिक शिक्षण आणि अध्यात्माच्या माध्यमातूनच तरुण पिढीला योग्य दिशा मिळू शकते. सद्यस्थितीत आपण विकसित देशांच्या पंक्तीत सामील होणार आहोत. समाजातील ईर्षा, द्वेष, वैमनस्य आणि अहंकार नष्ट होऊ शकतो आम्ही प्रयत्न करत आहोत पण समाजात पसरलेली कुप्रवृत्ती आणि हिंसा ही चिंतेची बाब आहे.’’ बी. के. स्वर्णा भगिनी म्हणाल्या, ‘‘प्रतिकूल परिस्थितीला तोंड देत तणावमुक्त होण्यासाठी नैतिक शिक्षणाची गरज आहे.’’ प्राचार्य सुधाकर नथुराम म्हणाले, ‘‘नैतिक शिक्षणाअभावी मानसिक आजार होतात, शरीराचे अनेक आजार होतात आणि जीवन निस्तेज होते.’’ यावेळी वैशाली माळी, मिलिंद सनदी, गोपाळ पाटील आदी उपस्थित होते.