02485; 02486

फुलेवाडी हौसिंग सोसायटी
अध्यक्षपदी
अमर अपराध

फुलेवाडी ः अमृतमहोत्सवी वर्ष साजरे केलेल्या महात्मा फुलेवाडी सहकारी हौसिंग सोसायटीच्या अध्यक्षपदी अमर विठ्ठलराव अपराध यांची तर उपाध्यक्षपदी तानाजी नामदेव अतिग्रे यांची निवड करण्यात आली. फुलेवाडी येथील संस्था कार्यालयात संचालक मंडळाचे सभेत बिनविरोध निवड झाली. स्वातंत्र्यपूर्व काळात १९४६ मध्ये माजी कृषी राज्यमंत्री कै. श्रीपतराव बोंद्रे यांनी या हाऊसिंग सोसायटीची स्थापना केली होती. ७६ वर्षात गतवर्षी प्रथमच या संस्थेची निवडणूक झाली. याप्रसंगी ज्येष्ठ संचालक शिवाजीराव माने, बाळासाहेब पाटील, राजाराम डावरे, राजाराम कदम, विजय दिवसे, कृष्णात पाटील, नीळकंठ पाटील, मानसिंग पाटील, राजाराम भोंगाळे, अर्जुन माने, सुनील चिले, बाळासो जाधव, भारत माने, शारदा दिवसे, सुमन शेळके आदी उपस्थित होते. निवडीनंतर विविध मंडळांच्या वतीने माजी नगरसेवक राहुल माने यांच्या हस्ते अध्यक्ष अपराध यांचा सत्कार करण्यात आला.