पट्टणकोडोलीत मंगळवारपासून
तुळजाभवानी देवीचा उत्सव
पट्टणकोडोली, ता. ११ : पट्टणकोडोली (ता. हातकणंगले) येथील आई तुळजाभवानी देवीचा उत्सव मंगळवार (ता.१४) पासून सुरू होणार आहे. याबाबत सकल मराठा समाजाच्या संचालक मंडळाच्या बैठकीत एकमताने निर्णय घेण्यात आला. तुळजापुरानंतर तुळजाभवानी देवीचे मंदिर कोल्हापूर जिल्ह्यात फक्त पट्टणकोडोली येथे असल्याने जिल्ह्यातून भाविक येथे दर्शनासाठी येतात. अक्षय तृतीयानंतर येणाऱ्या पहिल्या मंगळवारी येथे देवीचा उत्सव भरवण्यात येतो. मंगळवारी देवीला अभिषेक होईल, त्याच दिवशी देवीला पुरणपोळीचा नैवेद्य दाखवण्यात येणार आहे. सायंकाळी पाच वाजता देवीच्या पालखीची मंदिर प्रदक्षिणा करण्यात येणार आहे. त्यानंतर धार्मिक गीतांचा कार्यक्रम आयोजित करण्यात आला आहे.