पन्हाळा तालुक्यातील ग्रामपंचायत
निवडणुकीसाठी १२ अर्ज दाखल

आपटीः पन्हाळा तालुक्यातील पाच ग्रामपंचायतींमधील रिक्त सदस्य पदांसाठी व बोरपाडळे येथील रिक्त सरपंच पदासाठी अशा तालुक्यातील सहा जागांसाठी पोटनिवडणूक होत आहे. याकरिता अर्ज भरण्याचा मंगळवारी अखेरचा दिवस होता. केखले येथील एका सदस्य पदासाठी ३ जणांनी अर्ज दाखल केले. सातार्डे एका जागेसाठी ४ जणांनी अर्ज दाखल केले. तर आंबर्डे येथील एका सदस्यपदासाठी दोघाजणांनी अर्ज दाखल केले. सोमवार पेठ येथून एका जागेसाठी फक्त एका उमेदवाराने अर्ज दाखल केल्याने येथील निवडणूक बिनविरोध होण्याच्या मार्गावर आहे. धबधबेवाडी येथील एका जागेसाठी दोघाजणांनी अर्ज दाखल केल्याने येथे दुरंगी लढत होईल. बोरपाडळे सरपंचपदासाठी अर्ज दाखल झाले नसल्याने पुन्हा एकदा सरपंचपद रिक्त राहिले आहे.