पन्हाळ्यातील ४३ अंगणवाड्यांना
मिळणार मदतनीस
सकाळ वृत्तसेवा
पन्हाळा, ता. ३ : पंचायत समिती पन्हाळा एकात्मिक बाल विकास विभागाकडून तालुक्यातील ४३ अंगणवाडी केंद्रांत मदतनीस पदाची भरतीसाठी अर्जाची मागणी केली आहे. यामुळे तालुक्यातील ४३ अंगणवाड्यांना मदतनीस मिळणार आहेत.
२ फेब्रुवारी २०२३ च्या शासन निर्णयानुसार ही भरती होणार आहे. या भरतीसाठीचे अर्ज संबंधित ग्रामपंचायत कार्यालयात उपलब्ध आहेत. इच्छुकांनी १८ मार्चपूर्वी अर्ज करायचे आहेत. याबाबत कोणत्याही भूलथापांना बळी पडू नये, असे आवाहन एकात्मिक बालविकास प्रकल्प अधिकारी नयना पाटील यांनी केले आहे. मदतनिसांची भरती होणारी गावे पुढीलप्रमाणे : काखे, डुबाळवाडी, नावली, धारवाडी, कोतमिरवाडी,बोरिवडे, तुरुकवाडी, कुशिरे ठाणे, कोलोली, कणेरी-धनगरवाडा, कणेरी-गवळेवाडी, बांदिवडे, चव्हाणवाडी, गोलिवडे/जाधववाडी, मुडेकरवाडी, पिंपळे/जाधववाडी, चौगुलेवाडी, मेंगाणेवाडी, पानारवाडी, पोवारवाडी, धनगरवाडा, जाधववाडी, खामणेवाडी, मुसलमानवाडी, सुंभेवाडी, कांडरवाडी, काळजवडे, मानवाड, आढाववाडी, कोलिक, गोठणे, पडसाळी, सोनारवाडी/पिसात्री, पोर्ले बोरगांव, पोर्ले जाधववाडी, पोहाळवाडी, चौगलेवाडी, कसबा बोरगांव/खोतवाडी, वाळोली/शांतीनगर, चिखलकरवाडी, उंड्री/खोतवाडी, निवडे/मोरेवाडी.