01947
...

मोटारसायकल चोरट्यास अटक

पेठवडगाव: मोटारसायकल चोरीप्रकरणी एका तरुणास पोलिसांनी अटक केली. त्याच्याकडून ४० हजार रुपये किंमतीची चोरीस गेलेली मोटारसायकल जप्त केली. या प्रकरणी संशयित रोहित बाजीराव आकळे (वय ३२, रा.केदारवाडी, ता.वाळवा) याला अटक केली आहे.      
१२ मार्चला पेठवडगाव येथील पालिका चौकातून  मोटारसायकल चोरीला गेली होती. याबाबत पोलिसांत वाहन चोरीची फिर्याद नोंद करण्यात आली होती. दरम्यान, नवे पारगाव येथे संशयित फिरत असल्याची माहिती खबऱ्याने दिली. याबाबत गुन्हे प्रकटीकरण पथकाने पडताळणी केली असता हा रेकॉर्डवरील गुन्हेगार रोहित आकळेच असल्याचे पोलिसांनी ओळखले. त्याला ताब्यात घेवून चौकशी केली असता त्याने पालिका चौकातून मोटारसायकल तसेच तुंग (ता. मिरज,जि. सांगली) येथे दवाखान्यात चोरीची कबुली दिली.