‘निसर्गमित्र’तर्फे वडगावला उद्या पक्षी निरीक्षण
पेठवडगाव ः येथील निसर्गप्रेमी मित्र ग्रुपतर्फे महाराष्ट्र पक्षीमित्र संघटना यांच्या मार्गदर्शनाखाली ५ नोव्हेबर (अरण्यऋषी मारुती चितमपल्ली यांचा जन्मदिवस) ते १२ नोव्हेबर (पक्षी शास्त्रज्ञ डॉ. सलीम अली यांचा जन्मदिवस) या कालावधीत विविध उपक्रमांनी साजरा करण्यात येणार आहे. यामध्ये रविवारी (ता. ५) महालक्ष्मी तलाव येथे पक्षी निरीक्षण, पक्षी गणना, मंगळवारी (ता.७) सिद्धेश्वर देवराई, नरंदे येथे पक्षी गणना, शुक्रवारी (ता. १०) विद्यार्थ्यांसाठी पक्षी चित्रकला आणि निबंध स्पर्धा व नातं पक्ष्यांशी याविषयी पक्षी अभ्यासक चित्कला कुलकर्णी यांचे मार्गदर्शन आयोजित केले आहे. यामध्ये सहभागी होण्याचे आवाहन निसर्गप्रेमी मित्र ग्रुपचे डॉ. अमोल पाटील यांनी केले आहे.