04925
आनंदी फार्मसी कॉलेजमध्ये
डॉ. चाकोते यांचे मार्गदर्शन
पुनाळ, ता. २१ : कळंबे तर्फ कळे (ता. करवीर) येथील आनंदी शिक्षण प्रसारक मंडळ संचालित आनंदी कॉलेज ऑफ फार्मसीत मार्गदर्शन कार्यक्रम झाला.
फर्मास्टार जीपॅट ॲकॅडमीचे संस्थापक डॉ. विजयकुमार चाकोते यांनी मार्गदर्शन केले. जीपॅटमध्ये करिअरच्या संधी यावर विद्यार्थ्यांना मार्गदर्शन केले. जीपॅट फार्मसीमध्ये उच्यशिक्षणासाठी अनिवार्य असते. त्यासाठी विद्यार्थ्यांनी कशी तयारी करावी याबाबत माहिती दिली. उद्घाटन अध्यक्ष सतीश देसाई व सचिव डॉ. विद्या देसाई यांनी केले. प्रमुख पाहुण्यांची ओळख उपप्राचार्य डॉ. राहुल अडनाईक यांनी करून दिली. कार्यक्रमास प्राचार्य डॉ. सुरेश किल्लेदार, प्रतिभा आडनाईक, आरती वर्णे, प्रियांका लाड, साक्षी पाटील, शिक्षक व शिक्षकेतर कर्मचारी उपस्थित होते. प्रज्ञा घरपणकर यांनी सूत्रसंचालन केले. ऋतुजा शहा यांनी आभार मानले.