सांगवडेवाडीत
धार्मिक कार्यक्रम
सांगवडेवाडी : येथे हनुमान मंदिरामध्ये विठ्ठल भजनी मंडळातर्फे प्रवचन, कीर्तनासह धार्मिक कार्यक्रम झाले. महाप्रसादाने सांगता झाली. सोहळ्याचे हे २८ हे वर्ष होते या वर्षी प्रथमच काकड आरतीला पहाटे चार वाजता उपस्थित राहणाऱ्या महिलांना साडी भेट देण्यात आली. यामध्ये १५ महिलांनी सहभाग घेतला. या सोहळ्यात संजय सिद्धनुरले, विजय नलवडे तामगाव, संजय काशीद कारदगा यांची प्रवचने व किर्तन झाले. सांगवडेवाडी, सांगवडे, हलसवडे, पट्टणकडोली येथील भजनी मंडळांची भजने झाली. कैलासवासी जयाबाई चव्हाण ईश्वरा खुडे,हरिबा चव्हाण यांच्या आशीर्वादाने २८ वर्षे येथील पारायण सोहळ्याचे आयोजन केले जाते. सुनील गनमाळे, संजय सिद्धनुरले, बाजीराव साठे यांनी हरिपाठ व काकड आरती केली. व्यासपीठ चालक म्हणून बाळासाहेब चव्हाण, हार्मोनियम साथ बाळासाहेब जाधव, मृदंगमनी साथ सुशांत लोहार, चोपदार बाळासाहेब खुडे यांनी साथ दिली. गावातून काढलेल्या दिंडी सोहळ्यात पंचक्रोशीतील वारकरी, टाळकरी मंडळी सहभागी झाले होते. दिंडी मार्गावर रांगोळ्या, आरती ओवाळून स्वागत करण्यात आले. काल्याचे किर्तन त्यानंतर महाप्रसादाने सांगता झाली.