बलभीम सेवा संस्थेची वार्षिक सभा
शिंगणापूर : करवीर येथील हणमंतवाडी श्री बलभीम विविध कार्यकारी सहकारी (विकास) सेवा संस्थेची वार्षिक सर्वसाधारण सभा झाली. चेअरमन संभाजी शामराव पिंजरे म्हणाले, ‘‘चालू वर्षात ५,३२,६०० नफा व ऑडिट वर्ग ‘अ’ आहे. त्यामुळे सभासद समाधान व्यक्त करत आहेत.’ यावेळी महादेव शिंदे, शिवाजी पिंजरे, अमित पाटील, संजय रांगोळकर, रंगराव शिर्के, संभाजी कदम, अशोक कदम या सभासदांनी प्रश्न उपस्थित केले. प्रश्नांवर समाधानकारक उत्तरे देऊन सभासदांच्या सूचनांचे तंतोतंत पालन केले जाईल, असे आश्वासन अध्यक्षांनी दिले. जास्त खत उचल केलेल्यांचा सत्कार झाला. संचालक विक्रम शिंदे यांनी आभार मानले. यावेळी उपाध्यक्ष नंदकुमार खिल्लारी, तानाजी कचरे, सरदार पिंजरे, सुरेश रांगोळकर, बाबूराव पाटील, इंद्रजित पाटील, शिवाजी तिबिले, धनाजी नरके, बाबूराव धनगर, अनिता झांजगे, अनिता नरके यांच्यासह संस्थेचे वरिष्ठ तज्ज्ञ, सभासद उपस्थित होते.