घोटवडेत निबंध, वक्तृत्व स्पर्धेचे आयोजन
शाहूनगर ः भोगावती कारखान्याचे माजी संचालक विजयसिंह डोंगळे यांच्या पुण्यतिथीनिमित्त घोटवडे (ता. राधानगरी) येथे गणपतराव डोंगळे हायस्कूलतर्फे शालेय निबंध व वक्तृत्व स्पर्धा होणार आहेत. ८ ऑगस्टला होणाऱ्या निबंध स्पर्धेच्या पाचवी ते सातवी गटासाठी महान दैवत आई, स्वच्छतेतून समृद्धीकडे, क्रांतिकारकांचे मनोगत, माझा आवडता छंद, वृक्षारोपण हे विषय आहेत. आठवी ते दहावी गटासाठी आदर्श व्यक्तिमत्त्व विजयसिंह डोंगळे, विज्ञानाचे चमत्कार, वृक्षारोपण काळाची गरज, अंतराळ मोहीम चांद्रयान तीन, भारत आजचा आणि उद्याचा, स्वातंत्र्याचा अमृतमहोत्सव हे विषय आहेत. ९ ऑगस्टला होणाऱ्या वक्तृत्व स्पर्धेच्या सातवी ते दहावी गटासाठी विजयसिंह डोंगळे यांचे सामाजिक कार्य, नैसर्गिक आपत्ती, मोबाईल शाप की वरदान, आजची स्त्री सुरक्षित आहे का? स्वातंत्र्याची यशोगाथा हे विषय आहेत. यशस्वी विद्यार्थ्यांना आकर्षक बक्षिसे देण्यात येतील. इच्छुकांनी एस. आर. तिबीले, वाय. एम. चव्हाण यांच्याशी संपर्क साधावा.