राधानगरी तालुका दूध उत्पादक
पतसंस्थेला ९१ लाख निव्वळ नफा
शाहूनगर ः राधानगरी तालुका दूध उत्पादक पतसंस्थेला चालू आर्थिक वर्षात १ कोटी २४ लाख रुपये ढोबळ व ९१ लाख ५ हजार रुपये निव्वळ नफा झाल्याची माहिती संस्थाध्यक्ष अभिषेक डोंगळे यांनी पत्रकार परिषदेत दिली. संस्थापक अरुण डोंगळे यांच्या मार्गदर्शनाखाली संस्था कार्यरत आहे. ​अभिषेक डोंगळे यांनी सांगितले, मार्चअखेर भागभांडवल ४ कोटी ३६ लाख रुपये झाले असून ठेवींचा आकडा ४० कोटी ५५ लाख रुपयांपर्यंत पोहोचला आहे. संस्थेने ९ कोटी २७ लाखांची गुंतवणूक केली आहे. मार्चअखेरपर्यंत ३० कोटी ८८ लाख रुपयांचे कर्ज वाटप केले असून वार्षिक उलाढाल २३५ कोटी आहे. ४७ कोटी ९८ लाख खेळते भांडवल असून दरवर्षी दहा टक्के लाभांश दिला जातो. पारदर्शक कारभारामुळे ‘अ’ ऑडिट वर्ग मिळाला आहे. सर्व शाखा संगणकीकृत आहेत. यशात संस्थापक अरुण डोंगळे यांची भूमिका महत्त्वाची ठरली. ​यावेळी उपाध्यक्ष केरबा पाटील, संचालक राजेंद्र चौगले, रामभाऊ काशीद, कुंडलिक पाटील, सुहास डोंगळे, उदय पाटील, तानाजी लाड, बाजीराव किल्लेदार, सीताराम खाडे, राजाराम खोत, सरव्यवस्थापक रवींद्र कदम, शाखा मॅनेजर उपस्थित होते.