सडली खालसा येथे किशोरवयीनांना मार्गदर्शन
सोनाळी : रयत शिक्षण संस्थेचे, रा. बा. पाटील विद्यालय सडली खालसा (ता. करवीर) येथे अवनी सामाजिक संस्थेतर्फे किशोरवयीन विद्यार्थ्यांना मार्गदर्शन करण्यात आले. ‘अवनी’चे सदस्य सतीश पाटील व अनिकेत कदम यांनी बालविवाह प्रतिबंधक कायदा याविषयी माहिती दिली. शिक्षक बी. डी. भोसले यांनी बालविवाहाचे होणारे दुष्परिणाम यावर प्रबोधन केले. मुख्याध्यापक, आर. बी. नेर्लेकर, पर्यवेक्षक, आर. व्ही. कुंभार यांचे हस्ते मार्गदर्शकांचे स्वागत झाले. ए. एस. महामुनी यांनी प्रास्ताविक केले. ग्रंथपाल एम. एस. काळे यांनी आभार मानले.