तमनाकवाड्यात फळे वाटप
सेनापती कापशी : तमनाकवाडा (ता. कागल) येथील युवा प्रतिष्ठानच्या वतीने येथील १५० नवरात्री उपवासकर्त्यांना फळांचे वाटप करण्यात आले. भाविकांसाठी येथील लक्ष्मी मंदिरात दररोज भजन, कीर्तन कार्यक्रमाचे आयोजन केले जाते. सामाजिक भान ठेवून येथील तरुण कार्यकर्त्यांनी फळांचे वाटप केले. यावेळी महादेव ठिपकुर्ले, आकाश लांडगे, अवी तिप्पे, अभिजित भोसले, सौरभ तोडकर, प्रकाश लांडगे, जयप्रकाश कांबळे, श्रीकांत कांबळे आणि युवा प्रतिष्ठानचे कार्यकर्ते उपस्थित होते.