सकाळ वृत्तसेवा
शाहू नाका, ता. ३ ः प्रशासनाकडून वेळेत कचरा उठाव होत नसल्याने ग्रीन पार्क येथील खुल्या जागेत कचरा व टाकाऊ साहित्य पडल्याने मुलांना खेळताना अडचणी येत होत्या. आपणच जागा स्वच्छ केल्याशिवाय पर्याय नाही, हे लक्षात घेऊन शाळकरी मुलांनी बुधवारी खुल्या जागेत स्वच्छता मोहीम राबवली.
शहरासह उपनगरात कचरा उठावांची समस्या गंभीर बनत आहे. घरातील कचरा वेळेत उठाव होत नसल्याने काहीजण खुल्या जागेमध्ये सुका कचरा, खरकटे तसेच टाकावू साहित्य टाकले जात आहे. त्यामुळे मोकाट जनावरांचा वावर वाढत आहे. यामुळे खुल्या जागेत मुलांना खेळताना अनेक अडचणीना सामोरे जावे लागत होते. प्रशासनाकडे तक्रार करूनही डोळेझाक होत असल्याने बुधवारी ग्रीन पार्क व वनराई पार्क येथील शाळकरी मुलांनी खुल्या जागेत स्वच्छता मोहीम राबविली. उपक्रमात कृष्णराज पाटील, कनिष्का कदम, विराज चव्हाण, अद्वैत नरके, वैभव शिंदे, वेदिका चव्हाण, आराध्या आठरापोळे, पृथ्वीराज तळगडी, राणोजी शिंदे, धनराज शिंदे या शाळकरी मुलांनी स्वच्छता मोहीम राबवली.
-------------------------------------------------
शाहू नाका ः ग्रीन पार्क येथील खुल्या जागेची स्वच्छता मोहिमेत सहभागी शाळकरी मुले.