05348
तुरंबेत थेट पाइपलाईनच्या
चेंबरमध्ये पडली म्हैस
सरवडे, ता. १६ : तुरंबे (ता. राधानगरी) येथे मल्लाप्पा धावरे या शेतकऱ्याची म्हैस काळम्मावाडी थेट पाईपलाईन योजनेच्या उघड्या असणाऱ्या चेंबर्समध्ये पडली. त्यामुळे तिला इजा झाली. प्रसंगाचे गांभीर्य ओळखून जाणाऱ्या युवकांनी तिला सुखरूप बाहेर काढली. व तिचा जीव वाचवला. या घटनेमुळे चेंबर एखाद्याच्या जीवावर बेतू शकतो याची आज प्रचिती आली. संबधित अधिकाऱ्यांनी तातडीने चेंबरला बंदीस्त करावे, अन्यथा आंदोलनाचा इशारा ग्रामस्थांनी दिला.
आज सकाळी म्हैस धुण्यासाठी नेत असताना अचानकपणे चेंबरमध्ये पडली. चेंबर खोल असल्याने तिला बाहेर येता येत नव्हते. काही ग्रामस्थ ,तरुण मुले यांच्या हा प्रकार लक्षात आला. नागरिकांनी दोर आणून म्हशीला खाली उतरून बांधले. मोठ्या शिताफीने तिला बाहेर काढले. मात्र या गडबडीत म्हशीला खूप जखमा झाल्या. यावेळी अमर बैलकर, पांडुरंग भोईटे, रमेश देवर्डेकर, दत्ता भोईटे , भिकाजी कांबळे ,संभाजी आंगज यांनी मदत केली.